काठमाडौँ — केन्द्र सरकारले दुई नम्बर प्रदेशको माध्यमिक शिक्षा परीक्षा (एसईई) को बाँकी सबै परीक्षा स्थगित गर्न राष्ट्रिय परीक्षा बोर्डलाई निर्देशन दिएको छ । परीक्षा अगावै प्रश्नपत्र धमाधम बाहिरिएपछि केन्द्र सरकारले शनिबारदेखिका सबै परीक्षाहरु रद्द गर्न परीक्षा बोर्डलाई निर्देशन दिएको हो । शुक्रबार राति आयोजित पत्रकार सम्मेलनमा शिक्षा, विज्ञान तथा प्रविधिमन्त्री गिरिराजमणि पोखरेलले प्रदेश २ को भोलिदेखिका सबै परीक्षाहरु रद्द गर्न परीक्षा बोर्डलाई निर्देशन दिए। उनका अनुसार२२ गतेलाई तोकिएको विज्ञान विषयको परीक्षा भने यथावत् छ।