प्रदेश ३ का भौतिक पूर्वाधार मन्त्री केशव स्थापितलाई शुक्रबार पदबाट हटाइएको छ । मुख्यमन्त्री डोरमणी पौडेलले मन्त्री स्थापितलाई हटाई भौतिक पूर्वाधार मन्त्रालय आफैसँग राख्नुभएको छ । स्थापितलाई हटाउने विषयमा नेकपाका पार्टी अध्यक्ष एवं प्रधानमन्त्री केपी ओलीसँग कुराकानी गर्न उहाँ हिजो काठमाडौं आउनुभएको थियो । उहाँले प्रधानमन्त्री ओलीसँग हिजो र आज दुई पटक भेटेर सहमति लिइ स्थापितलाई बर्खास्त गर्नुभएको हो । पौडेलले  भन्नुभयो, ‘अभद्र र अशिष्ट व्यवहार गर्ने, तर आफ्नो पदीय जिम्मेवारी भने बहन नगर्ने भएकाले हटाइएको हो ।